Memleket basshysy Serra-Leone Prezıdentiniń arnaýly ókilin qabyldady

ASTANA. KAZINFORM — Qasym-Jomart Toqaev pen Serra-Leone Prezıdentiniń arnaýly ókili — Syrtqy ister mınıstri Tımotı Mýsa Kabba eki el yntymaqtastyǵynyń perspektıvasyn talqylady, dep habarlaıdy Aqordanyń baspasóz qyzmeti.

Prezıdent Qazaqstannyń Afrıka elderimen yqpaldastyqty keńeıtýge aıryqsha mán beretinin atap ótti.

— Tımotı Mýsa Kabba arnaıy qabyldaǵany úshin Memleket basshysyna alǵys aıtyp, Serra-Leone Prezıdenti Djýlıýs Maadanyń sálemin jetkizdi. Áńgimelesý barysynda ekijaqty qatynastardy damytý, túrli saladaǵy yntymaqtastyqty tereńdetý máseleleri qarastyryldy, — delingen habarlamada. 

Buǵan deıin Qasym-Jomart Toqaev birneshe memlekettiń elshisinen senim gramotasyn alǵanyn jazǵanbyz.