19:56, 18 Qarasha 2024 | GMT +6
Memleket basshysy Serbııaǵa resmı saparmen bardy
ASTANA. KAZINFORM — Qasym-Jomart Toqaevty Belgrad áýejaıynda Serbııa Prezıdenti Aleksandr Výchıch qarsy aldy, dep habarlaıdy Aqordanyń baspasóz qyzmeti.
Qazaqstan Prezıdentiniń bortyn Serbııa aspanynda osy eldiń áskerı áýe kúshteriniń ushaqtary alyp júrdi.
Sapar barysynda joǵary deńgeıdegi kelissózder ótedi.
Memleketter basshylary eki eldiń saıası, saýda-ekonomıka, kólik-logıstıka jáne mádenı-gýmanıtarlyq salalardaǵy ózara yntymaqtastyǵynyń perspektıvalaryn talqylaıdy.
Kelissózder qorytyndysy boıynsha ekijaqty kelisimderge qol qoıylmaq. Sonymen qatar Serbııanyń Premer-mınıstri Mılosh Výchevıchpen kezdesý josparlanǵan.
Eske salsaq, buǵan deıin Prezıdent Oman Sultanyna quttyqtaý jedelhatyn joldaǵanyn jazdyq.
