Memleket basshysy Serbııa Prezıdentimen keńeıtilgen quramda kelissóz júrgizdi

BELGRAD. KAZINFORM - Belgradqa resmı sapary aıasynda Qasym-Jomart Toqaev Aleksandr Výchıchpen keńeıtilgen quramda kelissóz júrgizdi. Kezdesýge eki el delegatsııalary qatysty, dep habarlaıdy Aqordanyń baspasóz qyzmeti.  

 Memleket basshysy shaǵyn quramda mazmundy kelissóz júrgizgeni, sondaı-aq Qazaqstan tarapyna qonaqjaılyq tanytqany úshin Aleksandr Výchıchke rızashylyq bildirdi.

Serbııa Prezıdenti Aleksandr Výchıch arnaıy kelgeni úshin Qasym-Jomart Toqaevqa alǵys aıtyp, ekijaqty baılanysty odan ári nyǵaıtý turǵysynan bul sapardyń strategııalyq máni zor ekenine toqtaldy. Sonymen qatar aımaqtaǵy jáne halyqaralyq arenadaǵy beıbitshilik pen turaqtylyqty nyǵaıtýǵa negiz bolatyn ózara tıimdi baılanysty damytýdyń mańyzyna nazar aýdardy.

Kezdesý barysynda memleketter basshylary saýda-ekonomıkalyq jáne ınvestıtsııalyq yqpaldastyqty tereńdetý máselelerine basa mán berdi.

Prezıdentter eki el arasyndaǵy taýar aınalymy ósimin joǵary baǵalady. Osy oraıda qazirgi álemdegi geosaıası jáne ekonomıkalyq jaǵdaı yntymaqtastyqty jandandyra túsýdi qajet etetinin atap ótti.

Osyǵan deıin Memleket basshysynyń Serbııa Prezıdenti Aleksandr Výchıchpen shaǵyn quramda kelissóz júrgizgenin habarladyq.

Eske salsaq, Qasym-Jomart Toqaev Serbııaǵa keshe ushyp bardy. Búgin Serbııa saraıynyń aldyndaǵy alańda Qazaqstan Prezıdentin resmı qarsy alý rásimi ótti.