Memleket basshysy Sankt-Peterbýrg qalasyndaǵy birqatar mádenı nysanǵa bardy
Qasym-Jomart Toqaev Reseı Federatsııasyna jumys sapary barysynda Reseı Prezıdenti Vladımır Pýtın, Ázerbaıjan Prezıdenti Ilham Álıev, Armenııa Premer-mınıstri Nıkol Pashınıan, Belarýs Prezıdenti Aleksandr Lýkashenko, Qyrǵyzstan Prezıdenti Sadyr Japarov, Tájikstan Prezıdenti Emomalı Rahmon, Túrikmenstan Prezıdenti Serdar Berdimuhamedov jáne Ózbekstan Prezıdenti Shavkat Mırzıeevpen birge Sankt-Peterbýrg qalasyndaǵy mádenı nysandardy aralap kórdi, dep habarlaıdy Aqorda.
TMD memleketteri basshylarynyń birlesken ekskýrsııasy «Pavlovsk» memlekettik mýzeı-qoryǵynan bastaldy. Munda olar Pavlov saraıynyń zaldary men ekspozıtsııalaryn tamashalady. Qonaqtardyń qurmetine saraıdaǵy «Grek zaly» amfıteatrynda «Severnaıa sımfonııa» kontserti uıymdastyryldy.
Mýzeı-qoryq — XVIII ǵasyrdyń sońyndaǵy orys sáýlet óneriniń biregeı úlgisi. Pavlov saraıy arhıtektýralyq ansambldiń eń basty kórnekti bóligi sanalady. Bul mádenı mura ıÝNESKO-nyń qorǵaýyna alynǵan.
Sodan keıin memleketter basshylary «Tsarskoe selo» mýzeı-qoryǵyn jáne Ekaterına saraıynyń zaldaryn aralap kórdi.
«Tsarskoe selo» saraı-saıabaq ansambli — HVIII ǵasyr men XX ǵasyrdyń basyndaǵy álemdik sáýlet jáne baǵbandyq ónerdi aıshyqtaıtyn eskertkish.
Orys ımperatorlarynyń burynǵy jazǵy rezıdentsııasy — Reseıdegi halyq kóp baratyn mýzeılerdiń biri.
Murajaıǵa 2022 jyly 2,9 mıllıon adam kelgen. Keshenniń negizigi nysany sanalatyn Ekaterına saraıynda álemge áıgili ıAntar bólmesi ornalasqan.
Prezıdentterdiń úshinshi ekskýrsııasy «Petergof» memlekettik mýzeı-qoryǵynyń Úlken Petergof saraıynda jalǵasty.
Delegatsııa basshylary sándik-qoldanbaly óner buıymdary, músin jáne keskindeme óneriniń týyndylary men jıhazdar qoıylǵan biregeı sáýlet eskertkishin tamashalady.
Petergof mýzeı-qoryǵy 33 mýzeıden, 414 gektar aýmaqty alyp jatqan saıabaqtar men baqtardan jáne 150-den astam sýburqaqtan turady.
Sorǵy stantsııalarynyń joqtyǵy sýburqaq júıesiniń tarıhı jáne mádenı eskertkish retindegi biregeıligi sanalady.
Injenerlik sheshimniń arqasynda sý 300 jyl burynǵydaı bıiktik pen ártúrli deńgeıdegi sýburqaqtar arasynan tabıǵı túrde qulaı aǵyp jatyr.
Sondyqtan Petergof sýburqaqtary sáýirdiń aıaǵynan qazan aıynyń ortasyna deıin kún saıyn tańerteńnen keshke deıin jumys isteıdi.
