Memleket basshysy Rýanda Prezıdentine quttyqtaý jedelhatyn joldady
ASTANA. KAZINFORM — Qasym-Jomart Toqaev Pol Kagame men onyń otandastaryn Rýanda Respýblıkasynyń ulttyq meıramy – Táýelsizdik kúnimen quttyqtady. Bul týraly Aqordanyń baspasóz qyzmeti habarlady.
Prezıdent jedelhatynda Rýanda Respýblıkasy Qazaqstannyń Afrıkadaǵy senimdi seriktesi sanalatynyn atap ótti.
Sonymen qatar ekijaqty yntymaqtastyq qos halyqtyń ıgiligi jolynda damı beretinine senim bildirdi.
Qasym-Jomart Toqaev Pol Kagameniń jaýapty qyzmetine tolaıym tabys, al dostas Rýanda halqyna qut-bereke tiledi.
Aıta ketelik Memleket basshysy Kongo prezıdentin Táýelsizdik kúnimen quttyqtaǵan edi.
