Memleket basshysy Rım Papasy XIV Levke quttyqtaý jedelhatyn joldady

ASTANA. KAZINFORM — Qasym-Jomart Toqaev Rım Papasy XIV Levti Qazaqstan halqynyń atynan quttyqtady. Bul týraly Aqorda málim etti.

– Sizdi Kıeli Taq ıesi etip saılaý arqyly Katolık shirkeýi halyqaralyq ahýal kúrdeli kezeńde beıbitshilik pen turaqtylyqty dáripteý isinde mańyzdy ról atqara beretinine senimdimin, – dep jazylǵan jedelhatta.

Prezıdent ártúrli dinı nanym ókilderi meken etetin Qazaqstanǵa Rım Papasy eki márte saparmen kelgenine nazar aýdaryp, halyqtar dostyǵyn, dinaralyq senim men yntymaqty nyǵaıtýǵa baǵyttalǵan ortaq kúsh-jigerdi elimizdiń árdaıym qoldaıtynyn jetkizdi.

Eske sala keteıik, jańa Rım Papasy bolyp Robert Prevo saılandy.