Memleket basshysy Respýblıka kúnine arnalǵan merekelik kontsertti tamashalady
Prezıdent Qasym-Jomart Toqaev Respýblıka kúnine arnalǵan «Qasterli Otan – Qazaqstan» atty merekelik kontsertke bardy. Bul týraly Aqorda habarlaıdy.
«Astana Opera» teatrynda ótken saltanatty keshte elimizge tanymal mádenıet qaıratkerleri men túrli shyǵarmashylyq ujymdar óner kórsetti.
Eske salsaq, Respýblıka kúnine arnalǵan merekelik jáne resmı is-sharalar elimizdiń barlyq óńirinde jáne Astana men Almaty qalalarynda atap ótiledi. Qalanyń ár jerinde túrli konkýrstar, kórmeler, jármeńkeler jáne basqa da mádenı-tanymdyq is-sharalar uıymdastyrylady. 21-24 qazan aralyǵynda memlekettik qýyrshaq teatrynda «Almaty Ruppet Festival» II Halyqaralyq qýyrshaq teatrlarynyń festıvali ótedi. Qazaqstan, Qytaı, Polsha, Chehııa, Bolgarııa, Grýzııa, Túrkııa, Ázirbaıjan, Ózbekstan jáne Reseıden kelgen ártister kórermenderge úzdik qýyrshaq spektaklderin usynady.
