Qazaqstan men Reseı Prezıdentteri Aqtaý mańyndaǵy ushaq apatynyń mán-jaıyn anyqtaý jumystaryn talqylady
ASTANA. KAZINFORM - Reseı tarapynyń bastamasymen Qasym-Jomart Toqaev Prezıdent Vladımır Pýtınmen telefon arqyly sóılesti. Bul týraly Aqordanyń baspasóz qyzmeti habarlady.
Prezıdentter Aqtaý qalasynyń mańynda Azerbaijan Airlines kompanııasy ushaǵynyń apatqa ushyrap, Qazaqstan jáne Reseı azamattarynyń qaza tabýyna baılanysty bir-birine kóńil aıtyp, zardap shekkenderdiń tezirek saýyǵyp ketýine tilektestik bildirdi.
Qasym-Jomart Toqaev pen Vladımır Pýtın apat sebepterin anyqtaý úshin taraptardyń atqaryp jatqan jumystaryn talqylady. Memleket basshysy Qazaqstan Respýblıkasynyń Úkimettik komıssııasy tergeý isin Ázerbaıjan, Reseı jáne Brazılııa elderiniń mamandaryn tarta otyryp júrgizip jatqanyn aıtty.
Prezıdentter tergeý amaldaryn jan-jaqty jáne ashyq júrgizýdiń mańyzdy ekenin atap ótti.
Aıta keteıik, Prezıdent Mańǵystaý oblysynda bolǵan ushaq apatynan Qazaqstan azamattary da qaza tapqanyna toqtalyp, marqumdardyń otbasy men jaqyndaryna taǵy da kóńil aıtty.