Memleket basshysy Reseı Prezıdenti Vladımır Pýtınmen telefon arqyly sóılesti

ASTANA. KAZINFORM – Prezıdent Qasym-Jomart Toqaev Vladımır Pýtınmen telefon arqyly sóılesti. Bul týraly Aqordanyń baspasóz qyzmeti habarlady. 

Áńgimelesý barysynda taraptar Qazaqstan-Reseı yntymaqtastyǵynyń qazirgi jaı-kúıi men perspektıvalaryn talqylap, qarym-qatynastardyń strategııalyq seriktestik jáne odaqtastyq rýhynda damyp kele jatqanyn atap ótti.

Memleketter basshylary eki el úkimetteriniń saýda-ekonomıkalyq, ınvestıtsııalyq, ónerkásiptik jáne mádenı-gýmanıtarlyq salalarda buǵan deıin qol jetkizgen ýaǵdalastyqtardy júzege asyrý baǵytyndaǵy úılesimdi is-qımyldaryn joǵary baǵalady.

Qasym-Jomart Toqaev pen Vladımır Pýtın halyqaralyq kún tártibindegi ózekti máseleler jóninde pikir almasyp, aldaǵy kezdesýlerdiń kestesin pysyqtady.