Memleket basshysy Reseı Prezıdenti Vladımır Pýtınmen telefon arqyly sóılesti

ASTANA. KAZINFORM – Áńgimelesý barysynda memleketter basshylary buǵan deıin joǵary deńgeıde qol jetkizilgen ekijaqty ýaǵdalastyqtardyń oryndalý barysyn talqylady. Bul týraly Aqordanyń baspasóz qyzmeti habarlady.

Sondaı-aq Prezıdent Qasym-Jomart Toqaevtyń aldaǵy qarasha aıynda Reseı Federatsııasyna jasaıtyn memlekettik saparyna daıyndyqtyń keıbir aspektileri qarastyryldy.

Aıta keteıik, Memleket basshysy Qasym-Jomart Toqaev Reseı Prezıdenti Vladımır Pýtınmen Dýshanbede kezdesken bolatyn.

Memleket basshysy jaqynda Reseıge saparmen baratynyn aıtty.

Vladımır Pýtın Qazaqstanmen qarym-qatynasty joǵary baǵalaıtynyn atap ótti.