Memleket basshysy Reseı Prezıdenti Vladımır Pýtınmen telefon arqyly sóılesti
ASTANA. KAZINFORM — Qasym-Jomart Toqaev Reseı Prezıdentiniń bıyl mamyr aıynda Qazaqstanǵa jasaǵan memlekettik sapary aıasynda qol jetkizilgen ýaǵdalastyqtar ekijaqty yqpaldastyqtyń barlyq baǵytyna aıtarlyqtaı serpin bergenin atap ótti.
Aqordanyń baspasóz qyzmeti málim etkendeı, eki el úkimetteri atalǵan kelisimderdi dáıekti túrde júzege asyryp jatyr.
Áńgimelesý barysynda shilde aıynyń sońynda Omby qalasynda uıymdastyrylatyn HHІІ Qazaqstan — Reseı óńiraralyq yntymaqtastyq forýmyna daıyndyq máselelerine erekshe nazar aýdaryldy.
— Memleketter basshylary halyqaralyq jáne óńirlik kún tártibiniń ózekti máselelerin talqylady. Prezıdentter jumys barysynda turaqty baılanysta bolýǵa kelisti, — delingen habarlamada.
Buǵan deıin QR Prezıdentiniń Parlament palatalarynyń birlesken otyrysynda sóılegen sóziniń tolyq mátini jarııalanǵanyn jazǵanbyz.
