Toqaev pen Pýtın ekijaqty yntymaqtastyqtyń ózekti máseleleri jóninde pikir almasty
ASTANA. KAZINFORM – Qazaqstan Prezıdenti Reseı kóshbasshysyn Memlekettik Dýma saılaýynyń tabysty ótýimen quttyqtady, dep habarlaıdy Aqordanyń baspasóz qyzmet.
Qasym-Jomart Toqaev daýys berý úderisi joǵary deńgeıde uıymdastyrylǵanyn atap ótip, Reseı Parlamentiniń jańa quramy el men azamattardyń ıgiligi jolynda jemisti qyzmet atqarýyna tilektestik bildirdi.
Memleketter basshylary ekijaqty yntymaqtastyqtyń ózekti máseleleri jóninde pikir almasty, sondaı-aq aldaǵy birlesken is-sharalar men joǵary deńgeıdegi baılanystar kestesin talqylady.
Osyǵan deıin Memleket basshysy Reseı Prezıdenti Vladımır Pýtınge quttyqtaý jedelhatyn joldap, toǵyzynshy shaqyrylymdaǵy Memlekettik Dýma saılaýynyń tabysty ótýimen quttyqtady.
