Memleket basshysy Reseı Federatsııasynyń Prezıdentimen telefon arqyly sóılesti
ASTANA. KAZINFORM - Áńgimelesý barysynda Reseı Prezıdenti Memleket basshysyn Qazaqstan Respýblıkasynyń jańa Konstıtýtsııasyn qabyldaý boıynsha jalpyulttyq referendýmnyń tabysty ótýimen quttyqtady, dep habarlaıdy Aqordanyń baspasóz qyzmeti.
Prezıdentter ózara qarym-qatynastyń kún tártibin talqylady.
Qasym-Jomart Toqaev Reseı Prezıdentiniń mamyr aıynyń sońynda Qazaqstanǵa josparlaǵan memlekettik sapary eki el arasyndaǵy strategııalyq seriktestik pen odaqtastyq baılanystardy nyǵaıtý turǵysynan aıryqsha mánge ıe ekenin atap ótti.
Vladımır Pýtın Astanada ótetin aldaǵy kelissózderge berilgen mundaı baǵamen kelisetinin jetkizip, ekijaqty yntymaqtastyq barlyq strategııalyq salada qarqyn alǵanyna nazar aýdardy.
Osyǵan deıin Memleket basshysyn jańa Konstıtýtsııanyń qabyldanýymen Izraıl Prezıdenti quttyqtaǵan bolatyn.