Memleket basshysy referendým ótkizý týraly Jarlyqqa qol qoıdy

ASTANA. KAZINFORM – Memleket basshysy 2026 jylǵy 15 naýryzda respýblıkalyq referendým ótkizý týraly Jarlyqqa qol qoıdy.

Aqorda Jarlyq mátinin jarııalady:

Qazaqstan Respýblıkasy Konstıtýtsııanyń 44-babynyń 10) tarmaqshasyna jáne «Respýblıkalyq referendým týraly» Qazaqstan Respýblıkasy Konstıtýtsııalyq zańynyń 18-babyna sáıkes QAÝLY ETEMІN:

1. 2026 jylǵy 15 naýryzda respýblıkalyq referendým ótkizilsin.

2. Qazaqstan Respýblıkasynyń jańa Konstıtýtsııasynyń jobasy: «Jobasy buqaralyq aqparat quraldarynda 2026 jylǵy 12 aqpanda jarııalanǵan Qazaqstan Respýblıkasynyń jańa Konstıtýtsııasyn qabyldaısyz ba?» degen saýal qoıylyp, respýblıkalyq referendýmǵa shyǵarylsyn.

3. Osy Jarlyq pen Konstıtýtsııanyń jobasy 2026 jylǵy 12 aqpanda buqaralyq aqparat quraldarynda resmı túrde jarııalansyn.

4. Respýblıkalyq referendýmǵa daıyndyq pen ony ótkizý Referendýmnyń ortalyq komıssııasynyń qyzmetin atqaratyn Ortalyq saılaý komıssııasyna, sondaı-aq referendýmnyń aýmaqtyq jáne ýchaskelik komıssııalarynyń qyzmetin atqaratyn aýmaqtyq jáne ýchaskelik saılaý komıssııalaryna júktelsin.

5. Qazaqstan Respýblıkasynyń Úkimeti Qazaqstan Respýblıkasynyń Ortalyq saılaý komıssııasymen, Qazaqstan Respýblıkasynyń basqa da ortalyq memlekettik jáne jergilikti atqarýshy organdarymen birlesip, respýblıkalyq referendýmdy uıymdastyrý jáne ótkizý boıynsha qajetti sharalar qabyldasyn.

6. Osy Jarlyq jarııalanǵan kúninen bastap qoldanysqa engiziledi.

Qazaqstan Respýblıkasynyń

Prezıdenti Q.Toqaev

Astana, Aqorda, 2026 jylǵy 11 aqpan

№ 1170

Aıta keteıik, Konstıtýtsııalyq komıssııa Memleket basshysyna jańa Konstıtýtsııanyń qorytyndy jobasyn usyndy.