Memleket basshysy Qazaqstan Barysy Grand Slam halyqaralyq týrnırine bardy
ASTANA. KAZINFORM – Memleket basshysy Astana qalasynda ótip jatqan dzıýdodan Qazaqstan Barysy Grand Slam halyqaralyq reıtıngilik týrnıriniń beldesýlerin tamashalady. Bul týraly Aqordanyń baspasóz qyzmeti habarlady.
Prezıdentpen birge mártebeli meımandar qatarynda Halyqaralyq dzıýdo federatsııasynyń (IJF) prezıdenti Marıýs Vızer de boldy.
Jarysqa álemniń 36 elinen 300-ge jýyq úzdik sportshy keldi. Olardyń arasynda dúnıe júziniń úzdik palýandary – Olımpıada oıyndarynyń, álem chempıonatynyń jáne qurlyq birinshilikteriniń jeńimpazdary men júldegerleri bar.
Aıta keteıik, halyqaralyq arenada el namysyn 53 qazaqstandyq palýan qorǵap jatyr.
Buǵan deıin Astanada dzıýdodan Qazaqstan Barysy Grand Slam 2026 bastalǵanyn habarlaǵanbyz.
