Memleket basshysy Portýgalııa prezıdentine quttyqtaý jedelhatyn joldady
ASTANA. KAZINFORM — Qasym-Jomart Toqaev Antonıý Joze Martınsh Segýrý men onyń otandastaryn osy eldiń ulttyq merekesi – Portýgalııa kúnimen quttyqtady. Bul týraly Aqordanyń baspasóz qyzmeti habarlady.
Prezıdent aıtýly meıram qarsańynda Portýgalııanyń 2027-2028 jyldary BUU Qaýipsizdik Keńesiniń turaqty emes múshesi bolyp saılanýyn atalǵan eldiń jahandyq beıbitshilik jáne qaýipsizdikti nyǵaıtý jolyndaǵy mańyzdy róline kórsetilgen zor qurmet pen joǵary halyqaralyq seniminiń kórinisi dep atap ótken.
Memleket basshysy san qyrly baılanys halyqtarymyzdyń ıgiligi úshin bekı túsetinine senim bildirdi.
Qasym-Jomart Toqaev Portýgalııa Prezıdentiniń jaýapty qyzmetine tolaıym tabys, al halqyna órkendeý men qut-bereke tiledi.
Eske sala keteıik, osyǵan deıin Prezıdent Iordanııa Korolin Taqqa otyrǵan kúnimen quttyqtaǵanyn habarlaǵan edik.
