Memleket basshysy Portýgalııa Prezıdentine quttyqtaý jedelhatyn joldady

ASTANA. KAZINFORM - Qasym-Jomart Toqaev Marselý Nýný Dýarte Rebelý de Soýzany jáne barsha portýgal halqyn osy eldiń ulttyq merekesi – Portýgalııa kúnimen quttyqtady, dep habarlaıdy Aqordanyń baspasóz qyzmeti. 

– Ǵasyrlar boıy qalyptasqan tereń tarıh pen baı mádenı muraǵa súıene otyryp, búginde Portýgalııa óziniń ornyqty damý, halqynyń ál-aýqatyn jaqsartý jáne halyqaralyq arenadaǵy bedelin arttyrý jolynda eleýli jetistikterge qol jetkizip keledi. Osy tusta Otanyńyz ári qaraı qaryshtap órkendeýine, mereıiniń árqashan ústem bolýyna tilektespin. Astana men Lıssabon arasyndaǵy dostyq qarym-qatynastar aldaǵy ýaqytta elderimizdiń ıgiligi úshin udaıy damı beretinine senimdimin, – dep jazylǵan jedelhatta.

Qasym-Jomart Toqaev Marselý Nýný Dýarte Rebelý de Soýzaǵa zor densaýlyq, onyń asa jaýapty qyzmetine tolaǵaı tabys, al dostas portýgal halqyna qut-bereke tiledi.