Memleket basshysy: Parlamentti reformalaý – Senatty taratý degen sóz emes

ASTANA. KAZINFORM – Prezıdent Parlamenttik reforma jónindegi Jumys tobynyń birinshi otyrysynda bılik tarmaǵyn túbegeıli jańǵyrtý kerek ekenin aıtty. Bul týraly Aqordanyń baspasóz qyzmeti habarlady.

– Ekinshiden, parlamenttik reforma «Kúshti Prezıdent – yqpaldy Parlament – esep beretin Úkimet» saıası formýlasyna tolyq saı keledi. Jańa da atap óttim, bul – memleketimizdiń qurylymyn aıqyndaıtyn basty tujyrym. Túptep kelgende, parlamenttik reforma jáne osyǵan deıin júzege asyrylǵan reformalar bizdiń aımaqta buryn-sońdy bolmaǵan, shyn máninde, jańa basqarý júıesiniń negizin qalaıdy. Sondaı-aq taǵy bir mańyzdy máselege nazar aýdarǵym keledi: Parlamentti reformalaý bul – Senatty taratý degen sóz emes. Mundaı qate pikirge jol berýge bolmaıdy. Bizdiń aldymyzda turǵan maqsat – aıqyn. Biz ókildi bılik tarmaǵyn túbegeıli jańǵyrtýymyz kerek. Osylaısha, azamattarymyzdyń múddeleri men tilek-nıetin bildiretin zań shyǵarýshy organ múlde jańa sıpatqa ıe bolady, - Qasym-Jomart Toqaev.

Prezıdent bir palataly Parlamentke kóshý halyqaralyq úrdiske tolyq saı keletinin atap ótti.