Memleket basshysy Palestına Prezıdentine quttyqtaý jedelhatyn joldady

ASTANA. KAZINFORM –  Qasym-Jomart Toqaev Mahmud Abbas pen onyń otandastaryn Palestına memleketiniń tól merekesi – Táýelsizdik kúnimen quttyqtady. Bul týraly Aqordanyń baspasóz qyzmeti habarlady. 

Prezıdent jedelhatynda Qazaqstan Palestınany arab álemindegi mańyzdy seriktesteriniń biri retinde qarastyratynyn ári atalǵan eldi nyǵaıtýǵa jáne jarqyn bolashaqqa negiz bolatyn halyqaralyq bastamalarǵa árdaıym qoldaý kórsetetinin jazǵan.

Qasym-Jomart Toqaev Mahmud Abbastyń jaýapty qyzmetine tolaǵaı tabys, al Palestına halqyna baq-bereke tiledi.