Memleket basshysy Pákistan Premer-mınıstrimen telefon arqyly sóılesti
ASTANA. KAZINFORM — Shahbaz Sharıf Qasym-Jomart Toqaevty Qazaqstan Respýblıkasynyń jańa Konstıtýtsııasyn qabyldaý boıynsha respýblıkalyq referendýmnyń tabysty ótýimen quttyqtady. Bul týraly Aqordanyń baspasóz qyzmeti habarlady.
Pákistan Premer-mınıstri memlekettik basqarý júıesi men ınstıtýtsıonaldyq ornyqtylyqty odan ári nyǵaıtýǵa jáne halyqtyń ál-aýqatyn jaqsartýǵa baǵyttalǵan bul ýaqıǵanyń tarıhı mańyzyn atap ótti.
Shahbaz Sharıftiń aıtýynsha, búkilhalyqtyq daýys berý nátıjesi Qazaqstan azamattary Qasym-Jomart Toqaevtyń saıası jáne áleýmettik-ekonomıkalyq reformalaryn keńinen qoldaıtynyn kórsetti.
Memleket basshysy quttyqtaýy men referendým qorytyndysyn joǵary baǵalaǵany úshin Pákistan Premer-mınıstrine alǵys aıtty.
Qasym-Jomart Toqaev pen Shahbaz Sharıf eki el arasyndaǵy strategııalyq seriktestiktiń oń qarqynyna kóńilderi tolatynyn aıtty. Osy oraıda Prezıdenttiń bıyl aqpan aıynda Pákistanǵa jasaǵan memlekettik saparynyń nátıjesinde qol jetkizilgen ýaǵdalastyqtardy júzege asyrý barysy talqylandy.
Memleket basshysy men Pákistan Premer-mınıstri óńirlik jáne halyqaralyq kún tártibiniń ózekti máseleleri jóninde pikir almasty.
Aıta ketelik búgin Prezıdent Qasym-Jomart Toqaev Konstıtýtsııany qabyldaýǵa arnalǵan saltanatty jıynǵa qatysty.