Memleket basshysy Pákistan Premer-mınıstri Shahbaz Sharıfti quttyqtady
ASTANA. KAZINFORM – Prezıdent Qasym-Jomart Toqaev Pákistan Islam Respýblıkasynyń Táýelsizdik kúnine oraı Premer-mınıstr Shahbaz Sharıfke quttyqtaý jedelhatyn joldady. Bul týraly Aqordanyń baspasóz qyzmeti habarlady.
– Áleýmettik-ekonomıkalyq damýda eleýli tabysqa jetken Sizdiń elińiz Azııada jáne álemdik arenada laıyqty orynǵa ıe. Pákistan gúldengen ári ornyqty qoǵam qurý jolynda aldaǵy ýaqytta da jańa belesterdi baǵyndyratynyna senimdimin, - dep jazylǵan jedelhatta.
Memleket basshysy Qazaqstannyń Pákistandy aımaqtaǵy negizgi seriktesterdiń biri retinde qarastyratynyn atap ótip, qos halyqtyń ıgiligi úshin san qyrly yntymaqtastyqty odan ári nyǵaıtýǵa daıyn ekenin jetkizdi.
Buǵan deıin Memleket basshysynyń Qaýipsizdik Keńesiniń otyrysyn ótkizgenin habarlaǵan bolatynbyz.