Memleket basshysy Ózbekstan Prezıdentine quttyqtaý jedelhatyn joldady

ASTANA. KAZINFORM — Qasym-Jomart Toqaev Shavkat Mırzıeev pen baýyrlas halyqty Ózbekstan Respýblıkasynyń Táýelsizdik kúnimen quttyqtady, dep habarlaıdy Aqordanyń baspasóz qyzmeti.

Memleket basshysy Qasym-Jomart Toqaev Prezıdent Shavkat Mırzıeevtiń qýatty ári bedeldi basshylyǵymen Ózbekstan áleýmettik-ekonomıkalyq damýda, azamattardyń ál-aýqatyn arttyrýda jáne halyqaralyq arenada ulttyq múddesin ilgeriletýde tańǵalarlyq tabysqa jetkenin atap ótti.

— Qazaqstan Ózbekstannyń strategııalyq seriktesi jáne senimdi odaqtasy retinde Sizdiń elińizben san qyrly memleketaralyq baılanysty odan ári tereńdetýge basa mán beredi. Qazaq-ózbek qarym-qatynasy ǵasyrlar boıy jalǵasqan dostyq, tatý kórshilik jáne ózara qoldaý rýhynda damı beretinine senimdimin. Bul baýyrlas halyqtarymyzdyń ıgiligine qyzmet etip, sondaı-aq Ortalyq Azııadaǵy turaqtylyq pen qaýipsizdikti qamtamasyz etýge septigin tıgizedi, — dep jazylǵan jedelhatta.

Budan buryn Prezıdent ShYU sammıtine qatysýshy elderdiń delegatsııa basshylary qurmetine uıymdastyrylǵan saltanatty qabyldaý rásimine qatysý úshin Tıantszındegi «Meıtszıan» konferents-ortalyǵyna barǵanyn jazǵan edik.