Memleket basshysy Ózbekstan Prezıdentimen telefon arqyly sóılesti
ASTANA. KAZINFORM – Ózbekstan Prezıdenti Memleket basshysy Qasym-Jomart Toqaevpen telefon arqyly sóılesip, týǵan kúnimen quttyqtady, dep habarlaıdy Kazinform agenttigi.
17 mamyr kúni bolǵan tildesýde Shavkat Mırzıeev Qazaqstan Prezıdentine jaýapty memleket basshylyǵy qyzmetinde tabys tilep, sondaı-aq baýyrlas qazaq eliniń ósip-órkendeýine tilektestigin bildirdi.
Odan bólek, qos el Prezıdenti ózbek-qazaq qarym-qatynasynyń bolashaq damýy men nyǵaıýy, tatý kórshilik jáne odaqtastyq máselelerin talqylady. Aldaǵy ekijaqty kezdesýler men kópjaqty is-sharalar kún tártibi naqtylandy.
Sondaı-aq saýda, ónerkásiptik kooperatsııa, logıstıka, aýyl sharýashylyǵy, týrızm, bilim berý, mádenıet salalaryn qamtıtyn jańa ekijaqty tájirıbelik áriptestikti qalyptastyrý kún tártibindegi jumystardy jalǵastyrýǵa zor mán berildi.
Osyǵan deıin Memleket basshysyn Reseı prezıdenti Vladımıra Pýtın jáne Belarýs basshysy Aleksandr Lýkashenko quttyqtady.