Memleket basshysy Ózbekstan Prezıdenti Shavkat Mırzıeevpen kezdesti
ASTANA. KAZINFORM – Qasym-Jomart Toqaev «Ortalyq Azııa – Eýropa Odaǵy» sammıtine erekshe mán beretinin jetkizdi. Bul týraly Aqordanyń baspasóz qyzmeti habarlady.
Sonymen qatar Prezıdent atalǵan jıyn aımaq elderiniń Eýropa Odaǵymen dıalogyn ilgeriletýge yqpal etetinine senim bildirdi.
Memleketter basshylary Almatydaǵy beıresmı kezdesýdiń nátıjeli bolǵanyna nazar aýdardy.
Qazaqstan men Ózbekstan yntymaqtastyǵy qarqyndy damyp kele jatqanyn atap ótti.
Ekijaqty baılanystardyń barlyq baǵyty boıynsha ózara tıimdi seriktestik aıasyn keńeıtý nıetin rastady.
Buǵan deıin Qasym-Jomart Toqaev Eýropalyq qaıta qurý jáne damý bankiniń prezıdenti Odıl Reno-Bassomen kezdesip, ekonomıkanyń túrli sektoryndaǵy yntymaqtastyq máselelerin talqylaǵan edi.
Aıta keteıik, Qasym-Jomart Toqaev «Ortalyq Azııa – Eýropa Odaǵy» sammıti men «Jahandyq klımat syn-qaterleri kezeńindegi Ortalyq Azııa» halyqaralyq konferentsııasyna qatysý úshin Samarqandqa bardy.