Memleket basshysy «Ortalyq Azııa — Japonııa» dıalogynyń birinshi sammıtine qatysýǵa keldi
ASTANA. KAZINFORM — QR Prezıdenti Qasym-Jomart Toqaev «Ortalyq Azııa — Japonııa» dıalogynyń birinshi sammıtine qatysýǵa keldi. Bul týraly Aqordanyń baspasóz qyzmeti jarııalady.
Aqordanyń baspasóz qyzmeti «Ortalyq Azııa — Japonııa» birinshi sammıtine qatysýshylarynyń birge túsken sýretin jarııalady.
Aıta keteıik, 17 jeltoqsan kúni Qasym-Jomart Toqaev Japonııaǵa resmı saparmen bardy. Qazaqstan Prezıdentin Tokıo qalasynyń Haneda halyqaralyq áýejaıynda Japonııanyń memlekettik syrtqy ister mınıstri Aıano Kýnımıtsý qarsy aldy.
Al 18 jeltoqsan kúni Prezıdent Qasym-Jomart Toqaevtyń qurmetine Imperator Narýhıtonyń atynan resmı qabyldaý ótti.
Prezıdent Qasym-Jomart Toqaev qazirgi ýaqytta Japonııada bilim alyp, túrli salada qyzmet etip júrgen Qazaqstan azamattarymen kezdesti. Memleket basshysy Japonııa sııaqty damyǵan eldiń tájirıbesin zerdeleý mańyzdy ekenin aıtty.
Sondaı-aq Qazaqstan Prezıdenti Japonııa Premer-mınıstriniń atynan Ortalyq Azııa elderi basshylarynyń qurmetine arnalǵan resmı qabyldaýǵa qatysý úshin Akasaka memlekettik saraıyna barǵan bolatyn.