Memleket basshysy «Ortalyq Azııa – Japonııa» bıznes forýmyna qatysty
ACTANA. KAZINFORM - Prezıdent Qasym-Jomart Toqaevpen qatar is-sharaǵa Japonııa Premer-mınıstri Sanae Takaıchı, Qyrǵyzstan Prezıdenti Sadyr Japarov, Tájikstan Prezıdenti Emomalı Rahmon, Túrikmenstan Prezıdenti Serdar Berdimuhamedov pen Ózbekstan Prezıdenti Shavkat Mırzıeev qatysty. Bul týraly Aqordanyń baspasóz qyzmeti habarlady.
Jıyn aıasynda «Jasyl damý jáne ornyqtylyq», «Tsıfrlyq transformatsııa men ózara baılanys», «Qarjy, adam resýrstary jáne bızneske arnalǵan áleýmettik júıeni damytý» sekildi taqyryptyq sessııalar uıymdastyryldy.
Sondaı-aq Ortalyq Azııa men Japonııanyń iskerlik orta ókilderi kezdesýler ótkizdi.
Prezıdent Qasym-Jomart Toqaevtyń resmı sapary jáne «Ortalyq Azııa – Japonııa» bıznes forýmynyń qorytyndysy boıynsha qazaqstandyq tarap pen japon bıznes qurylymdary arasynda jalpy quny 3,72 mıllıard dollar bolatyn 60-tan astam qujatqa qol qoıyldy.
Aıta keteıik, Prezıdent Qasym-Jomart Toqaev «Ortalyq Azııa – Japonııa» dıalogynyń birinshi sammıtinde sóz sóıledi.
Kelesi «Ortalyq Azııa – Japonııa» sammıti Qazaqstanda ótedi.