Memleket basshysy Orano S.A. kompanııasynyń prezıdenti Nıkolıa Masty qabyldady

ASTANA. KAZINFORM – Qasym-Jomart Toqaev Orano S.A. kompanııasynyń Qazaqstanmen energetıka salasyndaǵy yntymaqtastyǵyn odan ári damytýda áleýeti zor ekenine nazar aýdardy.

Memleket basshysy atalǵan seriktestik elimizde joǵary tehnologııany ilgeriletýge, sonymen qatar Frantsııany qaýipsiz ári senimdi tabıǵı ýranmen qamtamasyz etýge múmkindik beretinin atap ótti.

Kezdesýde ǵylymı-tehnıkalyq, sondaı-aq sırek kezdesetin metall óndirý men óńdeý salasyndaǵy qazaq-frantsýz strategııalyq seriktestigin nyǵaıtý perspektıvalary talqylandy.

Orano S.A. – halyqaralyq iri ónerkásip kompanııasy, Frantsııadaǵy atom ónerkásibiniń kóshbasshysy. Byltyr kompanııanyń kirisi 4,8 mıllıard eýrony qurady.