Memleket basshysy opera ánshisi Áıgerim Altynbekti quttyqtady

ASTANA. KAZINFORM — Qasym-Jomart Toqaev Italııada ótken HІ halyqaralyq CLIP 2025 opera baıqaýynda top jaryp, jeńimpaz atanǵan Áıgerim Altynbekke quttyqtaý jedelhatyn joldady, dep habarlaıdy Aqordanyń baspasóz qyzmeti.

— Elimizdiń mádenıetin tórtkúl álemge tanytyp, halyqaralyq sarapshylardy moıyndatqan bul jetistigińizdiń mán-mańyzy zor. Siz memleketimizdiń mereıin ústem etip, tól ónerimizdi álemniń tórine shyǵardyńyz. Aldaǵy ýaqytta da bıik belesterdi baǵyndyra beresiz dep senemin! — dep jazdy Prezıdent.

Buǵan deıin qazaqstandyq opera ánshisi Áıgerim Altynbek XI Halyqaralyq CLIP 2025 opera baıqaýynda jeńiske jetkeni habarlandy. Ónerpaz birinshi orynnan bólek, baıqaýdyń negizgi nomınatsııalarynda úzdik atanyp, absolıýtti jeńimpaz boldy.