Memleket basshysy Ońtústik Afrıka Respýblıkasynyń Prezıdentine quttyqtaý jedelhatyn joldady
ASTANA. KAZINFORM — Qasym-Jomart Toqaev Sırıl Ramafosa men onyń otandastaryn Ońtústik Afrıka Respýblıkasynyń ulttyq meıramy – Bostandyq kúnimen quttyqtady. Bul týraly Aqordanyń baspasóz qyzmeti habarlady.
Prezıdent OAR Qazaqstannyń Afrıka qurlyǵyndaǵy senimdi ári mańyzdy seriktesteriniń biri ekenin atap ótti. Sonymen qatar birlesken kúsh-jigerdiń arqasynda dástúrli dostyq pen túsinistikke negizdelgen yqpaldastyq qos halyqtyń ıgiligi jolynda damı beretinine senim bildirdi.
Qasym-Jomart Toqaev Sırıl Ramafosanyń jaýapty qyzmetine tolaıym tabys, al Ońtústik Afrıka halqyna baq-bereke tiledi.
Aıta ketelik Qasym-Jomart Toqaev Korol Vıllem-Aleksandrdy Nıderlandtyń ulttyq merekesimen quttyqtaǵan edi.
