«Astana-Tehnopolıs» arnaıy ekonomıkalyq aımaǵynda logıstıkalyq park qurylady
ASTANA. KAZINFORM — Prezıdent Astananyń №1 Indýstrıaldyq parkinde ornalasqan birqatar kásiporynnyń qyzmetimen tanysty. Bul týraly Aqordanyń baspasóz qyzmeti habarlady.
Qasym-Jomart Toqaevqa vınıldi gıpsokarton panelin shyǵaratyn «Gıpsovınıl», órt dabyldary, beınekameralar men domofondar óndiretin QR Systems zaýyttarynyń ónimderi kórsetildi.
Sondaı-aq kórmede «Astana elektrotehnıka zaýytynyń», «Arystan» Astana qubyr zaýytynyń», qurylys jáne jol hımııasyna mamandanǵan ARGP kásipornynyń qyzmeti jóninde maǵlumattar usynylǵan.
Budan bólek, Prezıdentke memleket-jeke menshik seriktestik qaǵıdaty boıynsha paıdalanýǵa beriletin №2 Indýstrıaldyq parkiniń damý perspektıvasy jaıynda baıandaldy.
Atalǵan alańda jalpy quny 500 mıllıard teńgeden asatyn jáne 8 myńǵa jýyq jańa jumys ornyn ashýǵa múmkindik beretin 100-den astam jobany iske qosý josparlanyp otyr.
Sonymen qatar logıstıkalyq ınfraqurylymdy ilgeriletý baǵytynda belsendi jumys atqarylýda. Sonyń ishinde «Astana-Tehnopolıs» arnaıy ekonomıkalyq aımaǵynda logıstıkalyq park qurylady.
Astananyń jalpyulttyq pýly aıasynda 1,9 mıllıon teńgege 120 joba júzege asyrylady. Osy arqyly 22 myńǵa tarta jumys ornyn ashý kózdelgen.
Aıta ketelik Memleket basshysy Tausogar zaýytynda bolǵan edi.