Memleket basshysy Oman Sultanyna quttyqtaý jedelhatyn joldady

Prezıdent Qasym-Jomart Toqaev Haısam ben Tarıq Ál Saıdti Oman Sultandyǵynyń tól merekesi – Ulttyq kúnimen quttyqtady, dep habarlaıdy Aqordanyń baspasóz qyzmeti. 

– Búginde Oman – saıası tuǵyry berik, ekonomıkasy qaryshtap damyǵan halyqaralyq qaýymdastyqtyń bedeldi múshesi. Aımaqtyq birlikti, tutastyq pen bitimgerlikti tý etken elińiz Sizdiń basshylyǵyńyzben aldaǵy ýaqytta da ıgi maqsat-murattarǵa jete berýin tileımin, – delingen quttyqtaý jedelhatta.

Prezıdent Oman Sultanynyń asa jaýapty qyzmetine tabys, al baýyrlas Oman halqyna qut-bereke tiledi.