Memleket basshysy Oman Sultanyn elorda áýejaıynda qarsy aldy
ASTANA. KAZINFORM — Prezıdent Qasym-Jomart Toqaev Astana áýejaıynda elimizge memlekettik saparmen kelgen Oman Sultany Haısam ben Tarıq Ál Saıdty kútip aldy. Bul týraly Aqorda málim etti.
— Qazaqstan Respýblıkasy Áskerı áýe kúshteriniń ushaqtary memleket shekarasynan elordaǵa deıin Oman Sultany mingen bortpen qaptaldasa ushty, — delingen habarlamada.
Mártebeli meımannyń kelýine oraı ushý alańynda Qurmet qaraýyly rotasy men Prezıdent orkestri sap túzedi.
Eske sala keteıik, 5-6 qazan kúnderi Prezıdent Qasym-Jomart Toqaevtyń shaqyrýymen Qazaqstanǵa Oman Sultany Haısam ben Tarıq Ál Saıd memlekettik saparmen kele jatqanyn jazǵan edik.
Joǵary deńgeıde ótetin kelissózder barysynda taraptar saıası dıalogty nyǵaıtý, sondaı-aq saýda-ekonomıkalyq, ınvestıtsııalyq jáne mádenı-gýmanıtarlyq yntymaqtastyqty keńeıtý perspektıvasyn talqylaıdy dep josparlanǵan.
Sonymen qatar memleketter basshylary qazaq-oman bıznes forýmyna qatysady.
