Memleket basshysy Nurlan Saýranbaevqa kólik dálizderiniń ótkizý múmkindigin keńeıtýdi tapsyrdy
ASTANA. KAZINFORM – Memleket basshysy Kólik mınıstri Nurlan Saýranbaevty qabyldady. Bul týraly Aqordanyń baspasóz qyzmeti habarlady.
Kezdesý barysynda elimizdiń kólik-tranzıt áleýetin odan ári arttyrý sharalary talqylandy.
Qasym-Jomart Toqaev Qazaqstan aýmaǵy arqyly júk tasymalyn ulǵaıtý úshin avtomobıl joldary men avıahabtar jelisin belsendi damytý mańyzdy ekenine nazar aýdardy. Sonymen qatar temirjol salasyndaǵy aýqymdy ınfraqurylymdyq jobalardy ýaqtyly júzege asyrý máselesine aıryqsha mán berildi.
Kólik-logıstıka sektorynyń ІJÓ-degi úlesin ulǵaıtý maqsatynda mınıstrge kedergi keltiretin faktorlardy saraptap, salany damytý tásilderin qaıta qaraý mindeti júkteldi.
Memleket basshysy kólik dálizderiniń ótkizý múmkindigin keńeıtip, Qazaqstannyń Eýrazııadaǵy negizgi saýda-logıstıka toraby retindegi rólin nyǵaıtý úshin jan-jaqty ári tıimdi sharalar qabyldaýdy tapsyrdy.
Aıta ketelik Memleket basshysy búgin Premer-mınıstr Oljas Bektenovti qabyldaǵan edi.