Memleket basshysy Nurlan Ónerbaevty 65 jasqa tolýymen quttyqtady
ASTANA. KAZINFORM — Qazaqstan Respýblıkasynyń Prezıdenti Qasym-Jomart Toqaev belgili ánshi, Qazaqstannyń eńbek sińirgen qaıratkeri Nurlan Ónerbaevty 65 jasqa tolýymen quttyqtady.
Memleket basshysynyń quttyqtaýyn Mádenıet jáne aqparat mınıstri Arman Qyryqbaev Astanada ótken kezdesýde tabystady. Prezıdent quttyqtaýynda óner ıesiniń elimizdiń mádenıeti men ónerin damytýǵa, mýzykalyq murasyn dáripteýge qosqan úlesin atap ótti.
— Ózińizge tán qońyr daýysyńyz ben erekshe oryndaýshylyq mánerińiz talǵampaz tyńdarmannyń júreginen oryn aldy. Siz dástúr sabaqtastyǵyn saqtap, halyq ánderi men belgili kompozıtorlardyń tańdaýly týyndylaryn nasıhattaýǵa mol úles qosyp kelesiz. Іzdeniske toly shyǵarmashylyq jolyńyz jemisti bolyp, talantty shákirtter tárbıeledińiz, — delingen quttyqtaýda.
Memleket basshysy Nurlan Ónerbaevqa myqty densaýlyq, otbasyna baq-bereke jáne elimizdiń rýhanı-mádenı murasyn baıytý jolyndaǵy eńbegine tolaǵaı tabys tiledi.
Budan buryn Altynbek Qorazbaevqa «Otan» ordeni, Talǵat Musabaevqa halyq ártisi ataǵy beriletinin jazǵanbyz.
