Memleket basshysy Mozambık Respýblıkasynyń Prezıdentine quttyqtaý jedelhatyn joldady

ASTANA. KAZINFORM - Qasym-Jomart Toqaev Mozambık Respýblıkasynyń Prezıdenti Danıel Shapýǵa quttyqtaý jedelhatyn joldady. Bul týraly Aqordanyń baspasóz qyzmeti habarlady. 

Prezıdent Danıel Shapý men onyń otandastaryn Mozambık Respýblıkasynyń táýelsizdigine 50 jyl tolýymen quttyqtady. 

– Osynaý tarıhı kún halqyńyzdyń birligi men jasampazdyǵynyń aıqyn nyshany, memlekettilik pen turaqty damýdyń myzǵymas tuǵyry retinde erekshe mánge ıe. Elińiz táýelsizdik qundylyqtaryn tý etip, aldaǵy ýaqytta da bıik maqsat-muratqa jete berýine tilektespin, - dep jazylǵan jedelhatta.

Memleket basshysy Qazaqstan men Mozambık arasyndaǵy dostyq qarym-qatynas odan ári damı beretinine senim bildirdi.