Prezıdent Mońǵolııanyń Uly Memlekettik Hýralynyń Tóraǵasy Dashzegvıın Amarbaıasgalanmen kezdesti
ULAN-BATYR. KAZINFORM — Qazaqstan Prezıdenti Ulan-Batyrǵa memlekettik sapary barysynda Mońǵolııanyń Uly Memlekettik Hýralynyń Tóraǵasy Dashzegvıın Amarbaıasgalanmen kezdesý ótkizdi. Bul týraly aqordanyń baspasóz qyzmeti málim etti.
Qazaqstan Prezıdenti Ulan-Batyrǵa memlekettik sapary barysynda Mońǵolııanyń Uly Memlekettik Hýralynyń Tóraǵasy Dashzegvıın Amarbaıasgalanmen kezdesý ótkizdi.
Memleket basshysy Prezıdent Ýhnaagıın Hýrelsýhpen ótken kelissózderge joǵary baǵa berip, sonyń nátıjesinde memleketaralyq yntymaqtastyq strategııalyq seriktestik deńgeıine kóterilgenin aıtty.
Qasym-Jomart Toqaev Spıkerdi jáne búkil mońǵol halqyn bıyl maýsym aıynda parlament saılaýynyń tabysty ótýimen quttyqtady. Prezıdent Hýraldyń jańa quramy eldegi demokratııalyq úderisterdiń damýyna eleýli úles qosyp, Mońǵolııanyń halyqaralyq arenadaǵy abyroı-bedelin arttyrýǵa oń yqpal etetinine senim bildirdi.
Memleket basshysy zań shyǵarýshy organdardyń dıalogy qazaq-mońǵol qatynastaryn ilgeriletetin mańyzdy alań dep sanaıdy. Sondaı-aq depýtattardyń dostyq toby parlamentaralyq baılanystardy nyǵaıtý isinde zor ról atqaratynyn jetkizdi.
Qasym-Jomart Toqaev Hýral Tóraǵasyna Qazaqstandaǵy saıası jáne ekonomıkalyq jańǵyrýlar jóninde aıtty.
Elimizde qabyldanyp jatqan aýqymdy saıası sharalar qoǵamda ádildik pen zań ústemdigi qaǵıdattaryn ornyqtyrýdy kózdeıdi.
Memleket basshysy eki el qarym-qatynasynda mádenı-gýmanıtarlyq yntymaqtastyqtyń orny aıryqsha ekenin atap ótip, Álemdik jáne dástúrli dinder kóshbasshylarynyń sezine qoldaý bildirgeni úshin mońǵol tarapyna rızashylyq bildirdi. Mońǵolııadaǵy býdda ǵıbadathanalarynyń kórnekti ókilderi atalǵan forým jumysyna turaqty túrde qatysyp keledi.
Memleket basshysy kelesi jyly uıymdastyrylatyn VIII Sezd «Dinder dıalogy: bolashaq jolyndaǵy sınergııa» taqyrybyna arnalatynyn jetkizdi. Onyń aıtýynsha, beıbitshilik pen turaqtylyqty jaqtaıtyn Qazaqstan men Mońǵolııa adamzat aldyndaǵy syn-qaterlerdi sheshý úshin kúsh biriktire alady.
Mońǵolııa Uly Memlekettik Hýralynyń tóraǵasy zań shyǵarýshy organdar arasyndaǵy baılanysty damytýǵa jan-jaqty qoldaý kórsetkeni úshin Qazaqstan Prezıdentine alǵys aıtty. Dashzegvıın Amarbaıasgalan parlamentaralyq yqpaldastyqty odan ári nyǵaıtý jáne ekijaqty qatynastardyń quqyqtyq bazasyn keńeıtý maqsatynda birlesip jumys isteýge daıyn ekenin rastady.
Eske salsaq, 28-29 qazan kúnderi Prezıdent Qasym-Jomart Toqaev Mońǵolııaǵa memlekettik saparmen baratynyn habarladyq.
Memleket basshysy Prezıdent Ýhnaagıın Hýrelsýhpen kelissóz júrgizedi. Sondaı-aq Mońǵolııanyń Uly Memlekettik Hýralynyń Tóraǵasy Dashzegvıın Amarbaıasgalanmen jáne Premer-mınıstr Lývsannamsraın Oıýýn-Erdenemen kezdesedi. Myńdaǵan jyldarǵa sozylǵan tarıhı baılanysy bar eki halyqtyń qazir túrli saladaǵy qarym-qatynasy jaqsy deńgeıde. Eki el basshysynyń kezekti kezdesýinde saıası jáne ekonomıkalyq baılanystardy nyǵaıtý jaıy talqylanyp, birqatar kelissóz ótýi múmkin ekeni aıtyldy.
Sonymen qatar Qazaqstan men Mońǵolııaǵa arasyndaǵy uzaq jylǵy baılanys týraly Kazinform tilshisiniń materıalynan oqýǵa bolady.
