Memleket basshysy Mońǵolııa Prezıdentine quttyqtaý jedelhatyn joldady
ASTANA. KAZINFORM – Qasym-Jomart Toqaev Ýhnaagıın Hýrelsýhty Naadam ulttyq merekesimen quttyqtady. Bul týraly Aqordanyń baspasóz qyzmeti habarlady.
Prezıdent Mońǵolııanyń Ýhnaagıın Hýrelsýhtyń basshylyǵymen qarqyndy damyp kele jatqanyn atap ótip, eki eldiń dostyq qatynastary men san qyrly yntymaqtastyǵy bekı túsetinine senim bildirdi.
Qasym-Jomart Toqaev Mońǵolııa Prezıdentiniń jaýapty memlekettik qyzmetine tabys, al dostas mońǵol halqyna baq-bereke tiledi.
Aıta ketelik, Mońǵolııada bıyl Naadam 10–17 shilde aralyǵynda atalyp ótedi. El Úkimeti bul týraly sheshimdi 4 maýsym kúni qabyldady.
Atap aıtqanda, Naadamǵa arnalǵan demalys kúnderi 10 shildede bastalyp, segiz kúnge sozylady. Bul sheshim azamattardyń usynystary men ótinishterine saı qabyldanǵan. Maqsat — merekeni keń kólemde atap ótýge múmkindik berý, ishki týrızmdi qoldaý jáne jumys pen jeke ómir arasyndaǵy tepe-teńdikti saqtaý.
Aıta keteıik, Naadam — Mońǵolııadaǵy eń iri ári mańyzdy ulttyq mereke. Onyń ataýy «oıyn-saýyq» nemese «oıyndar» degen maǵyna beredi. Bul mereke ejelden beri mońǵol halqynyń táýelsizdigi men birliginiń sımvoly retinde toılanyp keledi.
