Memleket basshysy Monakonyń knıazin quttyqtady
ASTANA. KAZINFORM - Memleket basshysy Qasym-Jomart Toqaev Knıaz II Alberdi Monakonyń Ulttyq kúnimen quttyqtady, dep habarlaıdy Aqorda.
Qazaqstan Prezıdenti Monakonyń ornyqty damý, qorshaǵan ortany qorǵaý jáne barsha adamzat úshin qaýipsiz keleshekti qamtamasyz etý isinde úlken kúsh-jiger jumsap kele jatqanyn atap ótti.
Qasym-Jomart Toqaev Qazaqstan men Monako arasyndaǵy dostyqqa negizdelgen yntymaqtastyq aldaǵy ýaqytta da qos halyqtyń ıgiligi jolynda nyǵaıa beretinine senim bildirdi.
Memleket basshysy Knıaz II Alberge jáne Monako halqyna baq-bereke tiledi.
Eske salsaq, keshe Qasym-Jomart Toqaevty Belgrad áýejaıynda Serbııa Prezıdenti Aleksandr Výchıch qarsy aldy.
Qazaqstan Prezıdentiniń bortyn Serbııa aspanynda osy eldiń áskerı áýe kúshteriniń ushaqtary alyp júrdi.
Memleketter basshylary eki eldiń saıası, saýda-ekonomıka, kólik-logıstıka jáne mádenı-gýmanıtarlyq salalardaǵy ózara yntymaqtastyǵynyń perspektıvalaryn talqylaıdy.