Memleket basshysy Mysyr Prezıdentine quttyqtaý jedelhatyn joldady
ASTANA. KAZINFORM – Qasym-Jomart Toqaev Prezıdent Ábdel Fattah As-Sısı men onyń otandastaryn Mysyr Arab Respýblıkasynyń ulttyq meıramy – Revolıýtsııa kúnimen quttyqtady. Bul týraly Aqordanyń baspasóz qyzmeti habarlady.
Prezıdent jedelhatta berik dostyq pen ózara túsinistikke negizdelgen qarym-qatynas qos halyqtyń ıgiligi jolynda udaıy damı beretinine senim bildirgen.
Qasym-Jomart Toqaev Ábdel Fattah As-Sısıdiń jaýapty qyzmetine tolaıym tabys, al Mysyr halqyna qut-bereke tiledi.
Aıta ketelik Qasym-Jomart Toqaev Belgııa Korolin eldiń Ulttyq kúnimen quttyqtaǵan edi.
