BQO-da bankrottyq basqarýshy 46,4 mln teńge kásiporyn qarjysyn zańsyz aýdarǵan

ORAL. KAZINFORM — BQO boıynsha ekonomıkalyq tergep-tekserý departamenti JShS-nyń bankrottyq basqarýshysy T-nyń zańsyz áreketteri deregi boıynsha tergeýdi aıaqtady.

BQO boıynsha ekonomıkalyq tergep-tekserý departamentiniń baspasóz qyzmetinen málim etkenindeı, bankrottyq basqarýshy kásiporynnyń salyq bereshegi baryn bile tura, quryltaıshy men úlestes adamdardyń shotyna 46,4 mln teńgeni zańsyz aýdaryp jibergen.

Qarajat zań qyzmetterine aqy tóleý, paıda bolǵan bereshek boıynsha talaptardy qanaǵattandyrý, sondaı-aq quryltaıshyǵa qalǵan aqshalaı qarajatty qaıtarý syltaýymen aýdarylǵan.

- BQO mamandandyrylǵan aýdanaralyq ekonomıkalyq sotynyń sheshimimen aqshalaı qarajat negizsiz shyǵarylǵan dep tanyldy. Qazirgi ýaqytta qarjy kásiporynnyń múlki retinde qaıtarylýda. Osylaısha, bankrottyq basqarýshy bıýdjet aldyndaǵy bereshekten jaltarý maqsatynda quryltaıshyǵa kómek kórsetýge tyrysqan. Qylmystyq is máni boıynsha qaraý úshin sotqa jiberildi, - dep habarlady vedomstvodan.

Eske sala keteıik, budan buryn BQO-da kásipkerdiń 150 mln teńge sýbsıdııany jymqyryp, saýda úıi men saýna salǵanyn jazǵan edik.