Memleket basshysy mınıstrlerden óz mindetin minsiz atqarýdy talap etti

ASTANA. KAZINFORM — Memleket basshysy mınıstrlerdiń jaýapkershilikke salǵyrt qaraýyna qatysty syn aıtty. 

Prezıdenttiń sózinshe, keıbir mınıstrler qujattarǵa qol qoıýdan jaltaryp, syrqattandym degen syltaýmen nemese issaparǵa ketip qalyp, sheshim qabyldaý jaýapkershiligin óz orynbasarlaryna ysyryp qoıady.

— Bizde keıbir mınıstrler qujattarǵa qol qoıýdan bas tartady, aýyryp qalady, issaparǵa ketedi jáne túrli syltaýlardy alǵa tartady. Sonyń saldarynan óz orynbasarlaryn qıyn jaǵdaıda qaldyrady. Mundaı jaǵdaıda biz qalaı damımyz? Eger quqyq qorǵaý organdary tarapynan qýdalaýdan qaýiptenseńizder, onda ony ashyq aıtý kerek: kimnen jáne neden qaýiptenip otyrǵandaryńyzdy naqtylańyzdar. Úkimettiń qyzmetine kedergi keltirip otyrǵany úshin quqyq qorǵaý organdarynyń jumysyna túzetý engizemiz. Al Úkimet qyzmetine kedergi jasaý — memlekettik mańyzy bar qylmys, — dedi Memleket basshysy.

Sondaı-aq Prezıdent mınıstrlikterdiń qyzmetine quqyq qorǵaý organdarynyń negizsiz aralasýyna jol berilmeıtinin atap ótti.

— Quqyq qorǵaý organdarynyń eshqandaı negizsiz mınıstrliktiń qyzmetine aralasýyna jol berýge bolmaıdy, — dedi Prezıdent.

Eske salsaq, Prezıdent kólik salasyndaǵy kemshilikter úshin Marat Qarabaevqa sógis jarııalaǵan edi.

Sonymen qatar Memleket basshysy elorda ákimi Jeńis Qasymbektiń jumysyna qatysty pikir bildirdi.