Memleket basshysy Meta kompanııasynyń vıtse-prezıdentin qabyldady

NЬıÝ-IORK. KAZINFORM — Qasym-Jomart Toqaev pen Meta kompanııasynyń vıtse-prezıdenti, jasandy ıntellektini zertteý bóliminiń (FAIR) bas ǵylymı jetekshisi ıAnn Lekýn ınnovatsııalyq tehnologııalardy damytý jáne qoldaný jóninde pikir almasty. Bul týraly Aqordanyń baspasóz qyzmeti habarlady. 

Memleket basshysy neırojeliler salasyndaǵy ıAnn Lekýnnyń jańashyl jetistikterin joǵary baǵalap, onyń jasandy ıntellektini damytýǵa qosqan úlesin atap ótti.

Prezıdent Qazaqstannyń jappaı tsıfrlandyrýdy jáne jasandy ıntellektini damýdyń basty faktory retinde keńinen qoldanýdy qarastyryp, derbes JI ekojúıesi men Qazaq tiliniń úlken tildik modelin (KazLLM) jasaqtaýǵa kúsh salyp jatqanyn jetkizdi.

Qasym-Jomart Toqaev Meta Platforms Inc kompanııasymen Qazaqstanda JI tehnologııalaryn damytý boıynsha birlesken akseleratsııalyq baǵdarlamany iske qosý jónindegi kelisimge qol qoıylýyn quptap, tehnologııa alybymen ózara tıimdi seriktestikti odan ári nyǵaıtýǵa daıyn ekenin rastady. 

Aıta ketelik Qasym-Jomart Toqaev Chevron korporatsııasynyń basshysymen kezdesken edi.