Memleket basshysy áskerı qyzmetke shaqyrý týraly Jarlyqqa qol qoıdy
ASTANA. KAZINFORM — Memleket basshysy Qasym-Jomart Toqaev Qazaqstan Respýblıkasynyń azamattaryn 2025 jyldyń naýryz — maýsymynda jáne qyrkúıek — jeltoqsanynda merzimdi áskerı qyzmetke kezekti shaqyrý týraly týraly Jarlyqqa qol qoıdy.
— «Qazaqstan Respýblıkasynyń qorǵanysy jáne Qarýly Kúshteri týraly» Qazaqstan Respýblıkasy Zańynyń 5-baby 2-tarmaǵynyń 11) tarmaqshasyna jáne «Áskerı qyzmet jáne áskerı qyzmetshilerdiń mártebesi týraly» Qazaqstan Respýblıkasy Zańynyń 31-babyna sáıkes QAÝLY ETEMІN: 1. Áskerı qyzmettiń belgilengen merzimin ótkergen merzimdi áskerı qyzmettegi áskerı qyzmetshiler 2025 jyldyń naýryz — maýsymynda jáne qyrkúıek — jeltoqsanynda QR Qarýly Kúshteri, QR Іshki ister mınıstrligi, QR Tótenshe jaǵdaılar mınıstrligi, QR Ulttyq qaýipsizdik komıteti, QR Memlekettik kúzet qyzmeti qatarynan zapasqa shyǵarylsyn. 2. Áskerge shaqyrýdy keıinge qaldyrýǵa nemese odan bosatylýǵa quqyǵy joq 18 jastan jıyrma 27 jasqa deıingi er azamattar 2025 jyldyń naýryz — maýsymynda jáne qyrkúıek — jeltoqsanynda QR Qarýly Kúshterine, QR Іshki ister mınıstrligine, QR Tótenshe jaǵdaılar mınıstrligine, QR Ulttyq qaýipsizdik komıtetine, QR Memlekettik kúzet qyzmetine merzimdi áskerı qyzmetke shaqyrylsyn. 3. Jergilikti atqarýshy organdar tıisti jergilikti áskerı basqarý organdary arqyly 2025 jyldyń naýryz — maýsymynda jáne qyrkúıek — jeltoqsanynda azamattardy merzimdi áskerı qyzmetke shaqyrýdy júrgizýdi uıymdastyrsyn jáne qamtamasyz etsin, — delingen Prezıdent jarlyǵynda.
QR Úkimeti, QR Ulttyq qaýipsizdik komıteti, QR Memlekettik kúzet qyzmeti merzimdi áskerı qyzmetti ótkerý úshin QR Qarýly Kúshterine, QR Іshki ister mınıstrligine, QR Tótenshe jaǵdaılar mınıstrligine, QR Ulttyq qaýipsizdik komıtetine, QR Memlekettik kúzet qyzmetine áskerge shaqyrylǵan Qazaqstan Respýblıkasynyń azamattaryn jóneltýdi jáne merzimdi áskerı qyzmettiń belgilengen merzimderin ótkergen áskerı qyzmetshilerdi shyǵarýdy qarjylaı jáne materıaldyq jaǵynan qamtamasyz etýdi uıymdastyrady.
Aıta keteıik, osy Jarlyq alǵashqy resmı jarııalanǵan kúninen bastap qoldanysqa engiziledi.
Buǵan deıin Prezıdent «Qazaqstan Respýblıkasynyń keıbir zańnamalyq aktilerine baılanys qyzmetterin kórsetý, memlekettik satyp alý, kólik jáne poshta máseleleri boıynsha ózgerister men tolyqtyrýlar engizý týraly» Qazaqstan Respýblıkasynyń Zańyna qol qoıǵanyn habarlaǵan edik.