Memleket basshysy men AQSh ınvestıtsııalyq banki ókiliniń kezdesýine qatysty mınıstr pikir bildirdi

NЬıÝ-IORK. KAZINFORM — Memleket basshysynyń Goldman Sachs Global Institute kompanııasynyń jahandyq máseleler jónindegi prezıdenti Djared Koenmen kezdesýine qatysty QR Tsıfrlyq damý, ınnovatsııalar jáne aeroǵarysh ónerkásibi mınıstri Jaslan Mádıev pikir bildirdi, dep habarlaıdy agenttiktiń menshikti tilshisi.

Jahandyq jobalarmen aınalysatyn AQSh-tyń jetekshi ınvestıtsııalyq banki Goldman Sachs-pen mańyzdy kezdesý ótti.

Taraptar sandyq ınfraqurylymdy, onyń ishinde AI agentterin jáne iri derekter ortalyqtaryn qarjylandyrýdy damytýdyń birlesken múmkindikterin talqylady.

— Búginde Goldman Sachs ártúrli derekter ortalyǵyn qarjylandyrý quraldaryn belsendi túrde paıdalanyp jatyr. Olardyń AQSh-ta osy salada kóptegen jobalary bar. Sondyqtan biz olardy óńirimizdegi tsıfrlyq ınfraqurylymǵa ınvestıtsııa tartý úshin qalaı paıdalanýǵa bolatynyn zerttep jatyrmyz, — dedi Jaslan Mádıev.

Aıta keteıik, Memleket basshysy amerıkalyq Goldman Sachs jetekshi ınvestıtsııalyq bankiniń Qazaqstan Ulttyq bankimen uzaq merzimdi seriktestik ornatqanyn atap ótip, yqpaldastyq deńgeıine joǵary baǵa berdi.