Memleket basshysy Majarstannyń Syrtqy ister mınıstri Peter Sıııartony qabyldady
ASTANA. KAZINFORM – Qasym-Jomart Toqaev Astanaǵa resmı saparmen kelgen Majarstannyń Syrtqy ekonomıkalyq baılanystar jáne syrtqy ister mınıstri Peter Sıııartomen kezdesti. Bul týraly Aqordanyń baspasóz qyzmeti habarlady.
Memleket basshysy dıplomatqa iltıpat bildirip, Qazaqstan men Majarstan arasyndaǵy strategııalyq seriktestiktiń deńgeıi joǵary ekenin atap ótti. Sondaı-aq joǵary deńgeıdegi saıası dıalogtyń dáıekti damyp, úkimetaralyq yqpaldastyqtyń belsendi órkendep kele jatqanyna nazar aýdardy.
Prezıdent byltyr Býdapesht qalasyna jasaǵan memlekettik sapary aıasynda qol qoıylǵan kelisimderdiń óz deńgeıinde iske asyrylyp jatqanyna kóńili tolatynyn jetkizdi.
Qasym-Jomart Toqaevtyń aıtýynsha, bul ýaǵdalastyqtardy júzege asyrý jan-jaqty seriktestikti odan ári tereńdetýge yqpal etedi. Memleket basshysy Majarstan Premer-mınıstri Vıktor Orbanǵa ystyq yqylasyn joldady.
Peter Sıııarto Qasym-Jomart Toqaevqa Majarstan Premer-mınıstriniń sálemin jetkizdi. Majarstannyń Syrtqy ister mınıstri Astanaǵa sapary kezinde buǵan deıin joǵary deńgeıde qol jetkizilgen ýaǵdalastyqtardyń túrli aspektilerin iske asyrý jaǵdaıyn salalyq mınıstrliktermen jáne vedomstvolarmen talqylaıtynyn aıtty.
Kezdesýde ekijaqty kún tártibiniń birqatar ózekti máseleleri qarastyryldy. Sondaı-aq saýda-ekonomıkalyq jáne ınvestıtsııalyq salalardaǵy, energetıka jáne bank sektorlaryndaǵy ózara tıimdi baılanysty keńeıtýge erekshe mán berildi.
Budan bólek, Qasym-Jomart Toqaev pen Peter Sıııarto halyqaralyq mańyzdy máseleler boıynsha pikir almasty.
Kezdesý sońynda Prezıdent Qasym-Jomart Toqaev qazaq-majar qarym-qatynasyn damytýǵa qosqan úlesi úshin Peter Sıııartony ІІ dárejeli «Dostyq» ordenimen marapattady.
Majarstan prezıdenti Qazaqstanǵa resmı saparmen keletinin jazǵan bolatynbyz.