Memleket basshysy Majarstan Premer-mınıstrin Áýlıe Ishtvan kúnimen quttyqtady
ASTANA. KAZINFORM – Qasym-Jomart Toqaev Premer-mınıstr Peter Madıar men onyń otandastaryn ulttyq mereke – Áýlıe Ishtvan kúnimen quttyqtady, dep habarlaıdy Aqordanyń baspasóz qyzmeti.
– Majarstannyń baı mádenı murasynan bastaý alatyn bul aıtýly meıram ult birligi men yntymaǵynyń jarqyn belgisi, majar halqynyń maqtanyshy sanalady, – dep jazylǵan jedelhatta.
Prezıdent qazaq-majar strategııalyq seriktestigin kóptegen baǵytta nyǵaıta túsýge árdaıym beıil ekenin atap ótti.
Qasym-Jomart Toqaev Peter Madıardyń jaýapty memlekettik qyzmetine tabys, al baýyrlas majar halqyna baq-bereke tiledi.
Aıta keteıik, osyǵan deıin Ispanııa Koroli VI Felıpe Prezıdent Qasym-Jomart Toqaevqa alǵys hat joldaǵan bolatyn.
