Memleket basshysy Marokko Koroline quttyqtaý jedelhatyn joldady
ASTANA. KAZINFORM – Qasym-Jomart Toqaev VI Muhammed pen onyń otandastaryn Marokko Koroldiginiń ulttyq meıramy – Taqqa otyrǵan kúnimen quttyqtady. Bul týraly Aqordanyń baspasóz qyzmeti habarlady.
Prezıdent jedelhatynda eki el yntymaqtastyǵy oń qarqynmen damyp kele jatqanyn atap ótip, jan-jaqty seriktestikti keńeıtý jolynda taraptardyń kúsh-jiger jumyldyra beretinine senim bildirdi.
Aıta ketelik Marokko Koroldiginiń Ulttyq meıramy — Taq kúni. 1999 VI Muhammed taqqa otyrdy. Qazaqstan Respýblıkasy men Marokko Koroldigi arasyndaǵy dıplomatııalyq qarym-qatynas 1992 jylǵy mamyrdyń 28-de ornatyldy.
