Memleket basshysy Lıýksembýrgtiń Uly Gertsogin quttyqtady

ASTANA. KAZINFORM - Prezıdent Qasym-Jomart Toqaev Lıýksembýrgtiń Ulttyq kúnine oraı Uly Gertsog Anrıge quttyqtaý jedelhatyn joldady, dep habarlaıdy Aqordanyń baspasóz qyzmeti.

Memleket basshysy quttyqtaýynda Lıýksembýrg halqynyń birligi men ortaq muratyn, sondaı-aq eldiń qarjy, tsıfrlyq ınnovatsııa men jasyl tehnologııalar salalaryndaǵy eleýli tabysyn pash etetin atalǵan meıramnyń sımvoldyq mánine nazar aýdardy.

Qazaqstan Prezıdenti Uly Gertsog Anrıdiń jaýapty memlekettik qyzmetine tolaıym tabys, al dostas Lıýksembýrg halqyna baq-bereke tiledi.