Memleket basshysy «Lýkoıl» kompanııasynyń aktsıoneri Vagıt Alekperovti qabyldady
ASTANA. KAZINFORM – Prezıdent Qasym-Jomart Toqaev «Lýkoıl» kompanııasynyń aktsıoneri Vagıt Alekperovti qabyldady, dep habarlaıdy Aqordanyń baspasóz qyzmeti.
Memleket basshysy kompanııa aktsıonerimen energetıka salasyndaǵy birlesken jobalardyń júzege asyrylý barysyn talqylady. Prezıdentke «Lýkoıl» atqarǵan jumystardyń nátıjeleri men bolashaq josparlary týraly málimet berildi.
Kezdesýde ózara múddeli yqpaldastyqtyń perspektıvti baǵyttary qarastyryldy.
Qasym-Jomart Toqaev «Lýkoıl» sııaqty iri kompanııalarmen yntymaqtastyqtyń turaqty damýy energetıka salasyn jańǵyrtýǵa jáne elimizdiń ekonomıkalyq áleýetin nyǵaıtýǵa septigin tıgizetinin aıtty.
Osyǵan deıin Qazaqstan Prezıdentiniń Majarstan Premer-mınıstriniń saltanatty qabyldaýyna qatysqany týraly jazdyq.
