Memleket basshysy QR Úkimeti men HQDB arasyndaǵy kelisimge qatysty qujatqa qol qoıdy
ASTANA. KAZINFORNM - Bul týraly Aqordanyń baspasóz qyzmeti habarlady.
-Memleket basshysy «Bir taraptan Qazaqstan Respýblıkasynyń Úkimeti jáne ekinshi taraptan Halyqaralyq qaıta qurý jáne damý banki, Halyqaralyq qarjy korporatsııasy men Investıtsııalar kepildiginiń kópjaqty agenttigi arasyndaǵy Qazaqstan Respýblıkasynyń ornyqty damýyna jáne órkendeýine járdemdesý maqsatynda yntymaqtastyqty keńeıtý jónindegi áriptestik týraly negizdemelik kelisimdi ratıfıkatsııalaý týraly» Qazaqstan Respýblıkasynyń Zańyna qol qoıdy,-delingen habarlamada.
Zańnyń mátini baspasózde jarııalanady.
Aıta keteıik, qujat qaryz berý kezinde memlekettik kepildik pen granttyq jobalar arqyly qaryz berý kezinde ulttyq zańnamadan ózgeshe normalardy qoldanýdy kózdeıdi. Atap aıtqanda, taýarlardy, jumystar men qyzmetterdi satyp alý erejelerin, sybaılas jemqorlyqqa qarsy, ekologııalyq, áleýmettik, eńbek, genderlik standarttardy jáne Dúnıejúzilik bank tobynyń aqparatty ashý normalaryn paıdalaný usynylady.
Kelisim jobalardy qarjylandyrý quralyn keńeıtýge jáne olardy iske asyrý kezinde rásimdi ońtaılandyrýǵa, sondaı-aq memleket shyǵystaryn basym jobalarǵa qaıta bólý esebinen bıýdjetke túsetin júktemeni azaıtýǵa múmkindik beredi.
Osyǵan deıin Prezıdent EAEO aıasyndaǵy eki kelisimdi ratıfıkatsııalaý týraly zańǵa qol qoıǵan bolatyn.
